APO NAK DIKATO.......

Assalamualaikum....

Apo nak dikato.......dahlah susah, bertambah-tambah lai susahnyo.....huhuhuhu......

Kereto Kancil kesayangan den yang den bawak pi meniago tiap-tiap hari yang dah merodah pelusuk kampung, belukar dan ladang...akhirnyo kecundang juo di tongah jalan.

Semuonyo terjadi waktu pulang dari meniago dan ngambil stok pokok-pokok pada petang Ahad, 7hb. Oktober 2012 (semalam). Dalam perjalanan pulang ke umah yang tinggal lai 4 KM....tetibo jo melotop enjin dio,,,terkojut beruk den tetibo jo enjin Kancil bunyi enjin Ferrari. Den berhonti topi jalan gi cek enjin kot-kot something wrong somewhere....waduhhhh ngak nampak apa-apa pak. Belek sano belek sini....takdo lak nampak apo-apo tercicir tongah jalan.....aduhhh poning pak.

Den pun start balik, arghhh...bunyi enjin Ferrari makin kuek....siap dongan gogar dio sekali. Apo nak buek, dongan lafaz Bismillah dan tawakkal banyak-banyak pada Allah, den pun rodah jo la... Sepanjang jalan nak nyampai ke umah kek Pokan Koboi Bangi Lamo tu....abih sumo oghang nengok..... Lombu, kambing, kobau yang dok layan blues kek lopak topi jalan pun macam tersongeh kek den....chehhh....ngutukla tu... Takpo-takpo nanti den return.....kato den kek lombu, kobau ngan kambing tu.

Jadi dongan muko tobal 4 inci, den rodahla sampai ke rumah....fuhhhh....elok-elok kek dopan pintu pagau umah...satu lotupan.....'ketang.....brurrrr....kepeh...kepeh....' kedongaran. Hah! Sah dah, sah dah.....timing belt putuih la tu, siap enjin jem terus takleh start.....arghhhh...tensen....tensen....camno den nak niago ni...nak ngusung ngan apo pokok-pokok ni sumo ke pasarr....arghhhh..... Nak mintak tolong ngan sapola nak merepair kudo den ni....

Dan pada pagi ini, Isnin, 8hb. Oktober 2012, ditomani hujan renyai-renyai di awal pagi....den dok mencangkung dopan pagar dok meronung Kancil den, aduhhh......"Apo Nak DiKato...."

Nampak gayonyo, kalu ado yang nakkan pokok-pokok buah dan bunga-bungaan, konolah mai umah den amik buek maso ni sehinggolah den ado budget nak merepairnyo..... Kato pomen, kalo tak kono overhaul....itu enjin kasi tukarlaa tauke.... Perghhh selamba dekk jo dio cakap.....ingat den cop duit ko.....

Akhir kato.....sapo-sapo yang nak pokok-pokok.....ekaurang smsla kek den....mailah amik...kurang-kurang den leh wat budget merepair kudo kepang den ni.....Waaaaaaaaa.....!!!!!!!!